MID KA MID AH JILAYAASHA UGU CAANSAN HINDIYA OO GEERIYOODAY

Jilaa caan ah oo reer Hindiya  ayaa geeriyooday, sida uu ku soo warramay wargeyska The Hindustan Times oo ka mid ah wargesyada ugu afka dheer dalka Hindiya.

Jilaagaas oo lagu magacaabayay, Khadar Khan ayaa in muddo ah ku xanuunsanayay dalka Canada.

Qader Khan oo heystay diinta Islaamka ayaa maqaam sare kaga jiray fanka dalka Hindiya, waxaana uu ka qeyb qaatay tobanaan filim oo Hindi ah.

Wiil uu dhalay jilaaga oo lagu magacaabo Sarfaraz ayaa warbaahinta dalka Hindiya u xaqiijiyay in aabihii uu geeriyooday.

”Aabahay waxaa uu geeriyooday 31 bishii Disembar, lixdii galabnimo xiliga wadanka Canada, waxaana uu isbitalka ku jiray 16-17 isbuuc, waxaana lagu aasi doonaa Canada”. Sidaasi waxaa yiri Sarfaraz.

Khan iyo qoyskiisa ayaa sannadihii dambe ku noola dalka Canada, waxaana intii aanan la geynin isbitalka uu ka sheeganayay caabuq dhanka feeraha ah. Qadar Khan ayaa caan ku ahaa majaajilada aflaanta Hindiga, waxaana aad loogu xusuusta doorkii uu ku lahaa aflaan badan oo caan ah si weynna loo daawaday, kuwaasi oo lagu jilay dalka Hindiya.

Khan ayaa inta badan jili jiray madadaalada aflaanta, isagoo na mararka qaar aflaanta ku jili jilay qaab waalidnimo iyo buracdnimo ah.

Khadar Khan oo dhashay sannadkii 1937, asal ahaan na ka soo jeeda magaalada Kabul ee dalka Afghanistan ayaa wakhtigiisa ugu badan kusoo qaatay dalka Hindiya, waxaana uu sidoo kale heystay dhalashada dalka Canada.

Geerida Khadar Khan ayaa waxaa ka tacsiyadeeyay jilayaal caan ah oo uu kamid yahay Amitab Bachchan oo soomaalidu ay u taqaano Cali dheere.

”Waa war aad looga naxo, waxaana ka tcasiyeynayaa geerida ku timid Khadar Khan”. Ayuu yiri Amitab Bachchan.

Sidoo kale dhimashada Qader Khan ayaa waxaa ka tacsiyadeeyay Akshay Kumar oo kamid ah jilayaal badan oo caan ah, kuwaasi oo la soo shaqeeyay, Waxaana uu aflaan kala duwan la soo jilay jilayaal ay kamid yihiin Govinda, Amitab Bachchan, Akshay Kumar iyo Sunnil sheety.

 

 

Leave a Reply

Your email address will not be published. Required fields are marked *

*

*

* Copy This Password *

* Type Or Paste Password Here *

1,255 Spam Comments Blocked so far by Spam Free Wordpress

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>