HAWEENAY GUDNIIN XABSI KU MUTEYSATAY

Hooyo 37 jir ah ayaa noqotay qofkii ugu horreeyay ee waddanka UK xabsi ku mutaysta gudniinka fircooniga ah.

Haweeneyda oo u dhalatay dalka Uganda ayaa sanadkii 2017 gurigeeda oo ku yaala bariga London ku gudday gabar ay dhashay oo saddex sano jir ah.

Waxaa haweenaydaas lagu xukumay 11 sano oo xabsi ah gudniinka awgii iyo laba sano oo dheeraad ah oo ay ku mutaysatay sawirro anshax xummo ah oo ay guriga ku heysatay.

Garsooraha xukunka ridday ayaa gudniinka fircooniga ah ku tilmaamtay “dembi arxandarro ah oo meel ka dhac ku ah carruurta”.

Haweeneyda ayaa ku dhalatay Uganda, balse sanado badan ku noolayd dalka UK, waxayna gudniinka fircooniga ahi ay gabadheeda ku samaysay iyadoo ogsooneyd inuu gudniinkaasi mamnuuc ka yahay dalka UK.

Hooyadan ayaa maxkamadda u sheegtay in gabadheeda ay meel sare ka soo dhacday, sidaana uu dhaawac uga gaaray xubinta taranka.

Hawlwadeennada caafimaadka ayaa booliska ku wargeliyay dhaawaca soo gaaray gabadha yar, waxaana ay sheegeen “inuu dhiig badan ka baxay”.

Nin ay wadajoogeen haweeneydan oo u dhashay dalka Ghana ayaa lagu waayay dembi ah inuu ku lug lahaa gudniinka gabadha, balse waxaa lagu helay inuu haystay sawirro anshax darro ah, sidaana waxaa loogu xukumay 11 bilood oo xabsi ah.

Kiiskan ayaa noqonaya kii afaraad ee ka dhan ah gudniinka fircooniga oo ay dhagaystaan maxkamadaha UK, balse dhammaan kuwii hore ayaan wax xukun ah lagu ridin.

Aayahanolosha.net

Leave a Reply

Your email address will not be published. Required fields are marked *

*

*

* Copy This Password *

* Type Or Paste Password Here *

1,126 Spam Comments Blocked so far by Spam Free Wordpress

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>